Hversdagshugleiðingar

Það reyndist ekki erfitt að finna heimili fyrir hvolpana hennar systur minnar, enda allir hin mestu krútt. Ég eyddi eftirmiðdeginum, ásamt móður minni, bróðursyni, Kristínu og ítalskri vinkonu hennar, á heimili systur og mágs í Dalnum. Við vorum úti í góða veðrinu og lékum við hvolpana. Það er líka eins gott að nota tækifærið því eftir verslunarmannahelgi verða þeir allir farnir.