Hversdagshugleiðingar

Þar sem ég er svo meðvirk manneskja, er ég komin í stríð gegn högnanum í blokkinni. Kisa mín er soldið lítil í sér og ég sá fram á að þetta yrði tapað stríð nema ég kæmi henni til hjálpar. Högninn var farinn að merkja sér allt nánasta umhverfi Trítlu og það gekk náttúrulega ekki. Hún var farin að vera stressuð greyið og þefaði margsinnis af öllu áður en hún þorði inn.

Nú sitjum við fyrir honum, hún hvæsir og ég er vopnuð vígalegri vatnsbyssu. Við erum sko góðar saman. Ég vona bara að nágranarnir kæri mig ekki.